أوعوا حد يتجوز واحدة شعرها طويل
عيوب الرأة ذات الشعر الطويل
اثبتت الدراسات التي اجريت من قبل ان للشعر الطويل مساوىء عده :
*أولا::
- تستهلك شامبو اسبوعيا دة إذا كان شعرها ناعم
يعني اذا خشن ضم مع كل دة البلسم وحمام الزيت وبديل الزيت
يعني تحدد ميزانيه لنظافة شعر زوجتك وحيويته ولمعانه وقول
هتصرف لك قول 500 إلى 600 جنية دة اذا كانت مبتعملش دة إلا كل مرتين فى الأسبوع إنما غير كدة الله أعلم التكلفة ممكن تعدى 1000 جنية وربنا يستر
*ثانيا :
- تستهلك كميه كبيره من المياه عند غسل شعرها
تقعد تغسل في شعرها بالماء حوالي ساعتين بالكثير لغاية ما
تخلص المية اللى فى الخزان ويمكن تخلص المية اللى فى الماسورة بتاعة الخط كلها وتعمل لك مشكلة مع جيرانك
*ثالثا :
- تستهلك الكهرباء بطريقة شرسة
تقعد تسشور فى شعرها مده مهيش اقل من ساعتين أو ثلاث ساعات
وتسحب من الكهرباء وهى قاعدة تسحب وانت يا مسكين يتخرب بيت أبوك وتسدد الفواتير وراها (غلبان )
*رابعا :
- في المناسبات والاحتفالات الله يكون في عونك
بتروح الصالون وشعرها طويل يعني لازم تسريحه يعنى مش أقل من 400 او 500 جنية ( صعبان عليا والله )
*خامسا :
- تتعبك نفسيا
يعني اذا جات من عزومه ووقعت شعره من شعرها
تقعد تلطم وتنوح وتولول طول اليوم وتقول حسدوووووووووووووني
وتأخذك وتجرك من شيخ الى شيخ ....
دة غير الفلوس الى هتدفعها حق الزيت والمية المقري فيه وغيره ( ياحرااااااام )
*سادسا :
- تتعبك جسديا
هتلاقى شعرها في كل مكان في الاكل وفى هدومك
واخرتها هتروووووووح المستشفى عشان يخرجوا الحصى اللي فى معدتك
ملاحظه : الحصوه شعرها تجمع في معدتك .
( مسكين )
*سابعا :
- طبعا بعد دة كلة لازم تعمل اشتراك شهرى أو أسبوعى مع واحد سباك
طبعا عشان تفتح المجاري المسدوده بسبب شعر مراتك المحروسة
وأقول إية وأعيد إية بعد دة كلة
وبعد كدة إية والنبى لسة عايز تتجوز واحدة شعرها طويل
يعنى بإختصار دور لك على واحدة قرعة أو حالقة شعرها زلبطة
عشان كل اللى فوق دة ما يحصلش ليك
نيجى بقى للى ادبس فى الموضوع دة واتنيل اتجوز واحدة شعرها طويل فى عدة خطوات لازم يعملها عشان يخليها تقص شعرها :
*أولا :
- لما تيجى تدخل انت البيت وانت جاى من برة اشترى ب5 جنية لبان على الأقل
- خليها لما تنام وروح واكل اللبان الأول ( ما يبقاش موت وخراب ديار ) وتروح ملزقة فى المخدة وهى نايمة
ملحوظة : دة كلة وهى نايمة احسن يبقى نهار أمك أسود ومش باين لة أول من اخر اه انا عملت اللى علي وحذرتك
*ثانيا :
-لما تطلب منك كريم للشعر او شامبو تروح واخد نفسك على الصيدلية طوالى عدل من غير اى مناقشة وتقول للدكتور الصيدلى انك عايز كريم يكووووووووووووون بيخلى الشعر يقل احسن واحد صاحبك طالبة منك لمراتة (اوعى تقولة انه لمراتك احسن تنسى انها بتدور وراك اه فاهمنى ) وبعدين تديلها الكريم هتستعملة ولو طلبت شامبو هتروح مفضى نص الزجاجة بتاعة الشامبو وتحط فيها أمبوبة الكريم كلها وأوعى تسيب فيها اى حاجة وارمى أمبوبة الكريم فى الشارع بسرعة ( انا عملت اللى عليا وحذرتك )
ومن أول غسلة هتبقى بعون الله قرعة
*ثالثا :
- لو قالت لك عندنا عزووووووووووومة انهاردة وعايزة اروح للكوافير قولها دول انتى عارفة انهم بيحسدونى عليكى وبيغيروا منك اية رأيك لو تلبسى خمار أو إشرب على راسك عشان ما يحسدوكش او اقولك بلاش نروح احسن لنا طبعا مش هتوافق
تقوم انت مطلع اى حجة وخلاص ولو صممت اعمل خناقة وقولها انتى غاوية تنكدى عليا على الفاضى وعلى المليان واحلف بالطلاق مانتا رايح وخش نام
ولو معرفتش تعمل اى حاجة تانى استنى المرة جاية اما اكون فكرت هتعمل اية واكون جربتها عملى ماشى
.................................................. ...........................
وبتمنى من كل قلبى اللى لسة على البر وما ادبسش اهو انا حذرتك وماليش دعوة يا تاخد بالنصيحة يا ما تاخدش وفى الاخر انا خايفة على مصلحتك اصل الكائنات اللطيفة اللى هما الرجالة غلااااااااابة والله كل اما اشوف واحد متجوز وطالع عينة بيصعب عليا اوى وتوصل لدرجة انى ممكن اعيط
واسيبكم انا واطير احسن انا شكلى طولت عليكم ههههههههههههههههههههههههههههههههه
