kapoo
مدير المنتدى
عدد المساهمات : 845
العمر : 36
الاقامة : المنصورة
 | | خبر عن امتحانات الترم ده 2010 | |
فعلا يا جماعه الخبر بنسبه 90 % الأسئله السنه دي أختيارات .. واللي عايز يتأكد يسأل أي دكتور في الجامعه ..
يعني مثلا أسئله الرياضه هايجيب السؤال عادي وهايقولك أختار الاجابه الصحيحه . ده طبعا بعد ما تحل السؤال كله ..
بس هنا بقي في حاجه .. ودي ممكن الناس تتلخبط فيها أوي .. ازاي .. الإجابات هاتكون شبه بعض جدا
يعني زي كده .... ( 16669.4 - 16696.4 - 16664.9 - 16699.4 ) ..
وانت يا حلو أختار .. والله أعلم هايجيب كام أختيار بس هي هاتبقي كده
هو الموضوع جديد .. وسهل .. بس ظالم
يعني واحد مش فاهم حاجه في أي حاجه مافيش مشكله هايغش الاجابات وممكن ياخد امتياز كمان ويبقي مافيش فرق بين اللي غش وبين اللي تعب وزاكر وسهر وطلع عينه في المزاكره
طبعا قبل كل شيئ .. الغش حـــــرام .. و أسأل أي شيخ مع اني متأكد ان كلنا عارفين كده
ومش موضوعنا دلوقتي .. المهم .. عايز أقول ان الموضوع ده هايتصحح ازاي
الورق هايدخل علي مكنه متوصله بالكمبيوتر .. والورقه هاتتصحح بالكمبيوتر .. ماهو انت مختار كل الاجابات محددهم او معلم عليهم او عامل علي الاجابات دائره أو مربع .. أيا كانت العلامه .. الكمبيوتر هو اللي هايصحح مش الدكتور .. ولو انت معلم علي اجابتين السؤال كله مش هايتحسب
لو مثلا في حد شال الماده .. الورقه بتاعته هاتروح للدكتور يراجع عليها .. ويشوف لو فعلا مظلوم هايعدل الدرجه وينجحه .. ولو طلع حل غلط .. الله أعلم بقي هاينجحه ولا هايشيلهالو .. الله أعلم
بالنسبه للمواد ... علي حد علمي .. المواد اللي هاتيجي كده
الرياضه - الاقتصاد - اللغه - التسويق .. ماعدا المحاسبه والله أعلم انا مش متأكد من المحاسبه ممكن تيجي كده وممكن لا الله أعلم
وبالنسبه للرياضه ممكن يجيب أكمل .. يعني ممكن يجيب قانون ويقولك أكمل القانون .. يعني نحفظ القوانين كويس جدا يا جماعه
وبالنسبه لباقي المواد لسه مش عارف هاتبقي نظامها ايه .. بس لو عرفت أي جديد هاقولكم .. ولو حد عرف أي جديد ياريت يقولنا بسرعه
باقي حوالي 20 يوم علي الامتحان ..
0 .. لسه بدري
و ياريت كمان مره اللي عنده أي معلومه يقولها بسرعه
المصدر: منتدي التجارة للجميع- كلية التجارة جامعة المنصورة- | |
|
