10 نصائح عند خروجك مع خطيبك اول مرة

لما
باذن الله ربنا يفك عقدتك....... وتتخطبى .........
فْاليك نصائحى حتى تأخذى بخطيبك من مركب
الخطوبه الى محدش عارف هترسى على ايه........الى مثواه
الآخيرفى
قفص النسانيس ......... قصدى قفص الزوجيه السعيد


اجمل ما فى الخطوبه العزمات الرومانسيه
.............
على احلى محلات اكل فى البلد .......
واللى عمرك مانتى شايفاها
بعد الجواز........المهم نصائحى لك عند
اى عزومه
مع اختك .......
قلنا رقه ........


1- الاول
لازم تعرفى ان الشوكه والسكينه بيتمسكوا من ايديهم
من الطرف يعنى مش من الوسط ولا من البوز
زى الخنجر
ولا من فوق
طبعااااا.


2- العيش
اوعى تفضحينا و تقطعيه بسنانك ...........
ولا الرغيف نصفيين بأيدك وكل نص لقمه
وتحشرى .......اوعى.........
العيش بيتقطع بالسكينه فى
الطبق..........وبعدين تأخذى لقمه .......لقمه........
بالعفيه ........قال يعنى نفسك
مسدودة.......
اضغطى على اعصابك جداااا
وبعدين لما تروحى ........ابقى
حفى زى مانت عايزة........


3-
الشوووربه......ابوس كعب رجلك.......بند الشوربه
ده مهم جداااا....
الشوربه تتشرب من غير صوت خالص .......
ومن غير ماتقعدى تنفخى فيها......زى
القهوجى اللى بينفخ
فى الحجر للزبون.......وطبعاااااعايزك
تنسى
تماما......السلطانيه اللى بتقيميها
على بقك فى البيت........
وتدلدقى على روحك.......
بلمعلقه وبدون صوت .......سخنه ولعه
برضه بدون صوت.......
وتسيبى تلت الطبق ع الاقل.......
مش تميليه ........عشان تاهططيها لآخر
نقطه..........


4-
الرز...بيتاكل بالشوكه......اوعى ايدك تتمد ع المعلقه.......
وتغرفى من طبق الرز و تعبى ......اوعى
.......الرز بالشوكه.......
وكأنك بتبوسيه مش
بتاكليه......

5- المكرونه.....الاسباكتى
......برضه بالشوكه.......
تتلف على طرف الشوكه......لحد ماتخلص
وبعدين تحطيها
ف بؤك من سكات.....مش تشفطى المكرونه
عود عود.......

6- السمك........مشكله........شوفى.......
بتفصلى اللحم عن الشوك......ازاى؟؟
تقطعى اللحم من النص .......
بالطول وبعدين تفردى اللحم ع الجانبين
ولما تخلصى ناحيه.......
متقلبيش السمكه .......بلاش
فلح......شيلى السلسله
بالشوكه,والسكينه حطيها فى جنب الطبق
وكملى اكل
النصف التانى .......وبدل الفيلم الهندى
دة........
نصيحه ماتكليش السمك خالص.......
قولى مابحبش السمك وخلصى نفسك......

7- الجمبرى
......اذا كنتى عارفاة.......اول ماطبق الجمبرى ينزل .......
بصيله بقرف واحتقتار شديدين......
آل يعنى زهقانه من كتر اكل الجمبرى
الجامبو ف بيت باباااااا......
واتنهدى جامد وقولى
.......برضه.......؟؟؟
وتروحى قطعه راس
الجمبريايه......بالشوكه.......
انا ف عرضك انسى المصمصه
دلوقت.......

8-
االبطاطس سواء مسلوقه او محمرة......اوعى تهرسيها
وتدبيها ع الرز وتبدى
......لا.....لا....لا....
بالشوكه حته حته وانت زى ماتكونى ها
تعطى
من كتر ما البطاطس صعبانه عليكى.......

9-
الفاكهه......لو الفاكهه فها بزر .......طلعيه من بؤك بالراحه
وحطيه ف ايدك وهى مقفوله......وبعدين ف
طفايه السجايراللى ع الترابيزة......
اوعى يا حبيبتى من نظام التفتفه
للبزر.......انسى......

10- ولما
تخلصى اكل تحطى ايدك على بطنك......اللى عصافرها
بتصوصو من العينات اللى
كلتيها.......وتقولى له مش ممكن........
انا عمرى ما
تفجعت كدة......

انا اودامى
اسبوع......هابطل اكل فيه........

وبعدين تمسكى الفوطه اللى دايما موجودة ع
التربيزة من غير لازمه........
وتبوسيها .......آل يعنى بتمسحى
بؤك.......
وبعدين تستأذنى منه لدخول التوليت
لاصلاح ماكياجك......وتخشى التواليت
وتطلعى
من شنطه ايديك.............؟؟؟؟؟؟



*




*





*





*




*






*







*






*






*







*





لفه الفول
والطعميه اللى جيباها معاكى.............

وبالهناوالشفاااااااااااااااااا