بسم الله الرحمن الرحيم
ده طلب ورجاء خاص منكم كلكم يا جماعة
ياريييييييييت ماحدش يفكر يرد على مواضيعي ومشاركاتي تاني
وياريييييييت كلكم تنسوا اي كلمة انا قلتهالكم فى يوم من الايام فى المنتدى
كفاية اووووووووووووي لحد كده فعلا
انا اكتشفت اني كنت غلط فى غلط
واني كنت فاهم الدين بطريقة غلط خالص وقاعد اكلمكم وانصحكم على اساس اني احسن واحد فيكم فاهم فى الدين وانا طلعت ولا حاجة بجد
انا هدور على منتدى تاني وعلى اسم تاني خالص ليا ادخل بيه اكلم الناس
وانصحهم بمفهومي الجديد عن الدين اللى اخيرا وصلتله لما اتكلمت مع ناس
فاهمة الدين صح
ارجوووووووووووووكم انسوا كل كلمة انا قلتها وكل نصيحة خدتوها مني وانسوني انا نفسي خااااااااااااااااالص
ده تصور يا جماعة للطريقة اللى المفرووووووض يتكلم
بيها واحد اكتشف ان كل حاجة هو كان فاهمها فى الدين غلط فى غلط وان الحق
مش معاه خاااااااالص وقرر انه يعترف بده للناس !!!
هل ممكن ييجي يوم من الايام وحد فيكم يتجرأ انه يعمل
كده لو اكتشف انه كان فاهم كل حاجة فى الدين غلط وان الصح مش معاه خالص
ومع ناس تانية وهو مكابر ومش عايز يعترف؟؟؟
انا كنت بدخل على منتديات كتير والاقي فيها ناس مش
كانوا معترفين بوجود ربنا وداخلين المنتدى على الاساس ده وفى الاخر تراجعو
عن باطلهم ورضخوا للحق واعترفوا ان الحق مع المؤمنين بوجود ربنا
ودخلت على منتديات تانية والاقي فيها ناس مش كانوا
معترفين بنبوة سيدنا محمد وداخلين المنتدى على الاساس ده وفى الاخر تراجعو
عن باطلهم ورضخوا للحق واعترفوا ان الحق مع المؤمنين بنبوة سيدنا محمد
طيب واحنا المسلميييييييين ليه عندنا مكابرة حتى
لو شفنا الحق قصاد عينينا برضه مش بنحب نقول للى قدامنا انتا معاك حق وانا
كنت غلطان ونفضل مصرين على الباطل ده واحنا من جوانا عارفين ان الحق مش
معانا خالص
زي ما ربنا قال على قوم فرعون
((وجحدوا بها واستيقنتها انفسهم ظلما وعلوا))
هل احنا نرضى ان ينطبق علينا الوصف اللى انطبق على قوم فرعون ده عشان مش بنرضى ان احنا نقبل الحق لما نشوفه قصاد عينينا؟؟؟
يعني ربنا اكرمنا بدعاة كتييير وعلماء كتييييير بيعملوا اقصى طاقتهم عشان يغيروا مفاهيمنا الغلط ويعرفونا الصح فين والغلط فين
فيه مننا بيستجيب وفيه مننا بيكابر عشان مش يبقى شكله وحش قصاد الناس انه
كان مؤمن اوي بالباطل وبيدافع عنه باستماته وييجي النهاردة يقول يا جماعة
انا طلعت غلط وانتوا صح!!!
هيا كلمة انا طلعت غلط وانتوا صح فيما يتعلق بمصيرنا الابدي صعبة اوي كده؟؟؟
مستني رأيكم كلكم!!!
[ندعوك للتسجيل في المنتدى أو التعريف بنفسك لمعاينة هذه الصورة]
